VW sigur túsundtals fólkum úr starvi

Bilrisin Volkswagen ætlar at siga fleiri tíggjutúsund fólkum úr starvi og lata aftur í minsta lagi tríggjar verksmiðjur í Týsklandi.

Tað sigur forkvinnan í samstarvsnevndini hjá Volkswagen, Daniela Cavallo, sum umboðar fleiri hundrað starvsfólk í Wolfsburg, skrivar danska kringvarpið sambært Reuters.

- Leiðslan tekur hetta í størsta álvara, og hetta er ikki fyri at ávirka sáttmálasamráðingarnar, sigur hon. 

volkswagen bilar parkeringspláss VW

Kreppa er í Volkswagen í Týsklandi.

Haraftrat ætlar Volkswagen at minka verksmiðjurnar, sum enn eru eftir.

Daniela Cavallo sigur ikki, hvørjar verksmiðjur fara at lata aftur.

Eitt talsfólk fyri týsku stjórnina sigur, sambært Reuters, at tey í stjórnini vita av trupulleikunum hjá Volkswagen, og at tætt samband er millum umboð fyri leiðsluna í VW og starvsfólkini.