Málið um Liljuna og Erling verður viðgjørt innanhýsis í Tjóðveldi

Sirið Stenberg, forkvinna í Tjóðveldi, er stuttorðað, tá ið hon verður spurd, um tað fær avleiðingar fyri tingfólkini, Liljuna Weihe og Erling Eidesgaard, at tey gingu ímóti floksleiðsluni, tá ið atkvøðast skuldi um misálit á Ingilín D. Strøm, táverandi landsstýriskvinnu. 

- Vit fara at viðgera hetta innanhýsis í flokkinum í næstum, sigur hon. 

Sirið Stenberg

Sirið Stenberg er nýggj forkvinna í Tjóðveldi.

Sirið Stenberg sigur, at tað hevði týdning, at baklandið í flokkinum gjørdi vart við seg við einum skrivi, meðan málið um misálit var viðgjørt í tinginum, og kanska var tað eisini tað, sum gjørdi, at Tjóðveldi kundi varðveita sína støðu í samgonguni, sigur hon.

Hoyr innslag í útvarpstíðindunum: 

Hervør Pálsdóttir, forkvinna í tingbólkinum hjá Tjóðveldi,  hevur onga viðmerking til málið.

Hon vísir á, at Tjóðveldi hevur havt floksting, og at tey júst eru farin til arbeiðis aftur.