Donsk keypssamtøka skal endurnýggja Føroya Keypssamtøku

Fredensborg Brugsforening og Føroya Keypssamtøka kasta saman í royndini at fáa rakturin í FK aftur á beint og gera hana tíðarhóskandi

Raksturin í FK skal fáast at gevast avlop, og føroyska keypssamtøkan skal eisini endurnýggjast og dagførast.

Ruth Winther Poulsen

06.11.2024 - 14:10

Fredensborg Brugsforening - stytt FOB - hevur sett tvísiffraða milliónaupphædd í Føroysku Keypssamtøku, FK.

- Føroya Keypssamtøka hevur verið afturúrsigld leingi, men vónirnar eru nú at kunna endurnýggja keypsamtøkuna, so hon aftur gerst tíðarhóskandi.

Tað sigur Jákup Mørkøre, formaður í Føroya Keypssamtøku:

06112024_Keypssamtokan

Bo Kristensen, leiðari í FOB, verður nevndarformaður í nýggja felagnum, og stjóri verður Kristian Wolsing, sum seinasta árið hevur verið fyribilssettur stjóri í FK.

FAKTA

Lutafelagið Føroya Keypssamtøka (FK) stovnar felagið sp/f FK, sum fer at reka FK-handlarnar í Føroyum. Lutafelagið Føroya Keypssamtøka, sum í løtuni eigur og rekur FK-handlarnar, skjýtur sínar ognir og skyldur inn í nýggja felagið. FOB kemur við eini tveysifraðari milliónaupphædd, lutvíst sum íløga og lutvíst sum lán, og fer at eiga helvtina av felagnum. Endamálið er at fáa raksturin at geva yvirskot aftur, samstundis sum FK skal endurnýggjast og dagførast á fleiri økjum, so tað verður tíðarhóskandi og kappingarført. Nevndin og dagliga leiðslan í nýggja felagnum fara at leggja strategiina. Lutafelagið Føroya Keypssamtøka fer sostatt frá at reka handil til at eiga helvtina av einum felag, sum rekur handil.