Valúrslitið í Hvalba: Kommunusamanlegging ein fjarur tanki

Tann stóri spurningurin í valstríðnum í Hvalba hevur verið kommunusamanlegging. Listi A við núverandi borgarstjóranum, Janusi Thomsen, hevði aðalmálið um samanlegging, meðan Listi B ynskti at varðveita kommunurnar hvør í sínum lagi. 

Úrslitið vísir, at kommunusamanlegging helst er ein fjarur tanki. Tí hóast Janus Thomsen við 48 atkvøðum fekk flestar atkvøður, fekk listi A einans 38,5 % av samlaðu atkvøðunum. Harvið hevur listi A fingið trý umboð í kommunustýrið, meðan listi B við 61,5 % av atkvøðunum hevur fingið fýra umboð. 

Ronni Hammer, sum er fyrstvaldur á lista B við 45 atkvøðum, segði við Kringvarpið í kvøld, at nú verður farið eftir borgarstjórasessinum. 

Nývalda kommunustýrið í Hvalba sær soleiðis út: 

Hvalbiar kommuina