Elveitingareftirlitið: Fáa ikki gjørt øðrvísi í málinum um Eysturlund

Umhvørvisstovan fær ikki gjørt øðrvísi, enn hon hevur gjørt í sambandi við umsóknina hjá Effo um loyvi til at gera vindmyllulundina Eysturlund.

Tað sigur Ari Johanneson, leiðari á Elveitingareftirlitinum á Umhvørvisstovuni.

Ari Johanneson

Ari Johanneson er leiðari á Elveitingareftirlitinum. 

Gunnar Nielsen, Effo, 16:9

Gunnar Nielsen, stjóri í Effo. (Mynd: Bjarni Árting Rubeksen)

Í tíðindasendingini á nátturða í gjár segði Gunnar Nielsen, stjóri í Effo, at felagið ikki er samt við umhvørvismyndugleikan, um at talan er um eitt net. 

Men sambært leiðaranum á Elveitingareftirlitinum er tað bæði ein spurningur um, hvussu umsóknin er orðað, og nær hon er send, sum er við til at seta Umhvørvisstovuna í hesa støðuna.

Umsóknin hjá Effo var send myndugleikunum, áðrenn elveitingarlógin var broytt í vár, og tí er umsóknin viðgjørd eftir gomlu lógini.

Men av tí at spurningurin um netið ikki var uppií tá, so skal hann viðgerast eftir nýggju lógini, og eftir broytingina er tað bara SEV, sum hevur loyvi til at eiga og reka net.

Hoyr innslag í útvarpstíðindunum: