Kommunur skulu fáa allan skattin

Næsta vár kemur væntandi lógaruppskot um, at kommunan, har sum húsið er, fær allan skattin av húsleiguni.

Tað sigur Ruth Vang, landsstýriskvinna, í svari til Honnu Jensen, løgtingskvinnu.

Hon spurdi um skatt av leiguinntøkum.

Nú er skipanin tann, at er talan um bruttohúsaleigu, fær kommunan, har húisini eru, sín part, 45 prosent.

Tá talan er um uppgerð av húsaleigu við roknskapi, mugu fólk siga TAKS frá, at ognin ikki er í bústaðarkommununi.

Um hetta verður upplýst, hevur TAKS møguleika at tryggja, at skatturin fer til atvinnukommununa, sum kommunan eitur, har húsini eru, sigur landsstýriskvinnan.