Svenska kirkjan fleiri limir

- Hetta er týðiliga eitt nýtt rák, sigur Jonas Bromander, dosentur í átrúnaðarsosiologi við svenska sjónvarpið.

Fram til endan á septembur hava 10.201 fólk valt at lima seg inn í Svensku kirkjuna, vísa nýggjastu hagtølini.

Hetta er ein greiður vøkstur, tí alt árið í 2023 var limatilgongdin 10.889 fólk.

Jonas Bromander heldur, at tað serliga eru tríggir bólkar av fólkum, sum melda seg inn í Svensku kirkjuna.

- Tað eru fyrrverandi limir, sum hava gjørt av at melda seg inn av nýggjum, og so eru tað innflytarar og ungfólk, sum verða konfirmerað, heldur hann.