- Tíðindi, mentan og ítróttur
Floksformaðurin letur lokalfeløgini viðgera støðuna
Floksformaðurin letur lokalfeløgini viðgera støðuna
Aksel V. Johannesen fer ikki beinleiðis upp í málini hjá Javnaðarflokkinum í Vági og í Havn, sum tóku seg upp í sambandi við kommunuvalið
Aksel V Johannesen, formaður í Javnaðarflokkinum.
Mynd: Bjarni Árting Rubeksen
19.11.2024 - 09:38
- Eg harmist um politisku støðuna í Vági, men tað er lokala politiska felagið, sum viðger støðuna, og eg havi álit á teimum.
Tað sigur Aksel V. Johannesen, formaður í Javnaðarflokkinum.
Hann sigur eisini, at einki agg er til javnaðarfólkini í Havn, sum stillaðu upp á einum øðrum lista. Tey eru øll vælkomin aftur á lista C.
Tróndur Sigurðsson og Kári Johansen stillaðu upp á Kommunulistanum í Havn og vóru valdir. Men teir eru vælkomnir aftur á lista C, sigur Aksel V Johannesen, floksformaður. (Mynd: Bjarni Árting Rubeksen)
Bjarni Johansen er farin í part við Tjóðveldi í Vági, og verður eftir ætlan borgarstjóri í nýggja meirilutanum. Javnaðarfelagið viðger støðuna, sigur floksformaðurin.(Mynd: Bjarni Árting Rubeksen)
Tað er javnaðarmaðurin Bjarni Johansen, sum er lopin frá avtaluni við hini í Javnaðarflokkinum í Vági og við Sambandsflokkin.
Hann er farin í part við Tjóðveldi, og verður eftir ætlan borgarstjóri.
Hoyr innslag í útvarpstíðindunum:
19112024_Aksel_og_javnadarfelog
Er kopiera
Nýggjastu sendingar í ÚV
Nýggjastu sendingar í SV
