Tjørnuvíkarbergholið í Yvirfriðingarnevndini

Málið um berghol millum Vík og Tjørnuvík er nú farið í Yvirfriðingarnevndina.

Nevndin skal viðgera umsókn frá Landverki um loyvi at gera tunnil millum Haldórsvík og Tjørnuvík., at gera atkomuveg báðumegin tunnilin og arbeiðspláss við tunnilsmunnan í Haldórsvík.

Ástaðarfundur var 31. oktober, og umframt Náttúrufriðingarnevndina fyri Streymoyar sýslu og Landsverk, vóru 12 fólk møtt á fundinum. Tey umboðaðu m.a. hagapartarnar báðumegin og tey, sum eiga bøin, har bergholsmunnin verður í Tjørnuvík.

Jaligt

Kristian Martin Joensen, sýslumaður og formaður í náttúrufriðingarnevndini, sigur, at fólk vóru jalig, og vildu hava bergholið sum skjótast.

Víkingagravirnar í Tjørnuvík eru eystan fyri vegin til bergholið, og Tjóðsavnið sigur, at vegføringin ikki órógvar fornminnini, sigur sýslumaðurin

Yvirfriðingarnevndin hevur fund aftur 13. desember.