Kaðal kvettur av - illgruni er um sabotasju

Ein kaðal millum Svøríki og Finnland er kvettur av.

Svenska útvarpið boðaði frá hesum fyrst, og Post og tele-stýrið hevur váttað tíðindini fyri Dagens Nyheter.

- Tvey stór kaðalbrot hava verið á landi í Finnlandi. Net-eigarin GlobalConnect er raktur, og vit vita, at teir umvæla skaðarnar nú, sigur samskiftisráðgevin hjá Post- og telestýrinum, Peter Ekstedt, við Dagens Nyheter.

Brotsverkið er framt móti einum internetkaðli, og tað var staðfest í nátt.

Finskir myndugleikar hava sett kanningar í verk.

Illgruni um sabotasju

- Ríkismyndugleikarnir kannað málið saman við felagnum, skrivar finski samferðslumálaráðharrin, Lulu Ranne, á X.

Svenskir myndugleikar eru kunnaðir um hendingina. 

Svenski ráðharrin fyri sivilverju, Carl-Oskar Bohlin, sigur við Aftonbladet, at illgruni er um, at talan er um sabotasju.

- Vit taka hetta í álvara. Finska løgreglan kannar málið, og út frá tí, sum er hent, er illgruni um sabotasju. Stjórin hevur samband við avvarðandi myndugleikar og fylgir gongdini, sigur Carl-Oscar Bohlin.