Jóhannis Joensen: Vit eiga at viðgera frágreiðingina um Húsalánsgrunnin

Løgtingsgranskoðarirnir hava lagt eitt uppskot til samtyktar fyri tingið um at fáa frágreiðingina, sum landsgranskoðanin fyri um Húsalánsgrunnin til viðgerðar í løgtinginum. 

Løgtingsgrannskoðararnir fingu í mars í ár eina frágreiðing frá landsgranskoðanini um Húsalánsgrunnin. 

Frágreiðingin fekk løgtingsgrannskoðararnar at stúra fyri fíggjarliga haldførinum hjá Húsalánsgrunninum, og tí heittu teir m.a. á grannskoðaran hjá Húsalánsgrunninum Januar um at gera eina frágreiðing, sum lýsir langtíðarhaldførið hjá Húsalánsgrunninum. 
 
Í mai 2024 fingu løgtingsgrannskoðararnir frágreiðingina frá Januar.

Hendan frágreiðingin, saman við frágreiðingini frá Landsgrannskoðanini, hevur sannført løgtingsgrannskoðararnar um, at avbjóðingar eru við langtíðarhaldførinum hjá Húsalánsgrunninum, stendir millum annað í viðmerkingunum til uppskotið til samtyktar.

Tað er ikki óvanligt at frágreiðingar koma til viðgerðar í tinginum, og málið er at viðgera tær avbjóðingar sum eru við Húsalánsgrunninum og finna loysnir, sigur Johannis Joensen formaður hjá løgtingsgranskoðarunum

Í uppskotinum stendir millum annað, at Løgtingsgrannskoðararnir átala, at skiftandi landsstýrisfólk ikki hava livað upp til sína eftirlitsskyldu við Húsalánsgrunninum. 

Haraftrat verður mælt til at rætta upp á viðurskiftini, sum víst er á í frágreiðingini frá Landsgrannskoðanini.

Uppskotið verður lagt fram til 1. viðgerð í Løgtinginum týsdagin 10. desember.