Frælsisdagur í skugganum av krígnum

Í dag eru 35 ár liðin, síðani Ukraina gjørdist sjálvstøðugt og fór úr Sovjetsamveldinum 24. august 1991.

Hetta er fjórða árið á rað, at frælsisdagurin verður hildin, meðan Ukraina er í kríggi við Russland.

Ukrainski forsetin, Volodymyr Zelenskyj, segði í røðu í dag, at Ukraina vil hava frið, men ikki fer at geva seg yvir fyri Russlandi. Samstundis heitti hann á umheimin um framhaldandi stuðul.

Fleiri evropeiskir stjórnarleiðarar hava vitjað Ukraina í sambandi við frælsisdagin, og fleiri lond hava boðað frá nýggjum hernaðarligum stuðli.

Føroyingurin Bjørn Kallsoy er hermaður í Eysturukraina. Hann hevur í dag koyrt útgerð út til hermótið og sigur, at har merkist lítið til hátíðarhaldið.

Hann sigur samstundis, at boðskapurin hjá Zelenskyj um, at Ukraina ikki fer at geva seg yvir, eisini er hugburðurin millum hermenninar, sum hann er saman við.

Bjørn Kallsoy