Umsetningurin í alivinnuni 36 milliardir seinastu fimm árini

Alivinnan í Føroyum, Bakkafrost, Mowi Faroes og Luna, umsetti fyri góðar 36,1 milliard krónur seinastu fimm árini.

Tá er 2024 ikki talt við.

Íløgur eru gjørdar fyri 10,6 milliardir.

Og tað loysir seg at eiga partabrøv í alivinnuni, tí vinningsbýtið seinastu fimm árini hevur verið næstan tvær milliardir.

2,4 mia. í skatti og avgjøldum

Alivinnan rindaði frá 2019 til 2023 2,4 milliardir krónur í skattum og avgjøldum.

Hóast ymsar avbjóðingar hava verið í ár, eru útlitini sum heild góð fyri tað, sum eftir er av 2024. 

Tølini og upplýsingarnar eru í frágreiðingini um alivinnuna, sum Høgni Hoydal, landsstýrismaður, legði fyri løgtingið í gjár.

Aðalorðaskifti verður í tinginum í morgin.

Les frágreiðingina her.