Trump endurgjald frá ABC News

Amerikanska sjónvarpsstøðin ABC News er gingin við til at rinda góðar 100 milliónir krónur í endurgjaldi, tí tíðindaverturin George Stephanopoulos í mars mánaði orðaði seg skeivt um komandi forsetan, Donald Trump.

Stephanoupoulos segði, at Trump í eini sivilum rættarmáli var funnin sekur í at hava neyðtikið skrivandi kvinnuna, Jean E. Carroll, í New York einaferð í 90-unum, hóast talan ikki hevði verið um neyðtøku, men kynsligan ágang.

Donald Trump svaraði við at stevna ABC News, ið nú biður um umbering.

Tær 100 milliónir krónurnar, sum sjónvarpsstøðin nú rindar í endurgjaldi fyri tort og sviða, fara til eitt serligt forsetabókasavn, ið Trump ætlar at fáa gjørt.