Vinnufelagið Tjaldur keypir seg inn í norskt ídnaðarfelag

Vinnufelagið Tjaldur keypir stóran part av norska ídnaðarfelagnum Servi Group.

Kjarnu virkisøkini hjá Servi eru serliga í frálandavinnuni, maritimu vinnuni og orkuvinnuni.

Framleiðslan hjá felagnum fevnir millum annað um hydrauliskar loysnir.

Tjaldur kemur at eiga Servi saman við norsku familjufyritøkuni Ferd.

Framherji keypti í fjør partabrøvini hjá landinum í Tjaldri. Landið átti 2,8 prosent.