SÍ kann taka oddasessin frá Mjølni

KÍF og Fleyr dystast um næstovasta plássið í bestu kvinnudeildini í flogbólti, tá liðini spæla í Kollafirði í dag.

Kollfirðingar á 4. plássi hava 11 stig undan dystinum, sum byrjar klokkan 13, meðan havnarliðið hevur 13 stig á 2. plássi. Mjølnir hevur eisini 13 stig, meðan SÍ er langt fremst við 22 stigum.

SÍ kann taka oddasessin

Hjá monnum hevur SÍ kjansin at taka oddasessin frá Mjølni, tá Fleyr vitjar í Sørvági klokkan 18. Sørvingar hava 21 stig meðan klaksvíksliðið hevur 22. 

Heili 10 stig eru niður til Fleyr, sum er nummar trý í løtuni við 11 stigum.