Politikkur um børn og ung

Vága kommuna hevur fingið ein barna- og ungdómspolitikk.

Býráðið samtykti á heysti í 2021 at arbeiða víðari við tilmælunum um barna- og ungdómsøkið í Vága kommunu. 

Kommunan sigur, at hon vil, at øll børn og ung í Vága kommunu skulu trívast, bæði á stovni, í skúla, í frítíðini og heima, sama hvørjar sosiala fortreytirnar ella upprunin eru.

Barna- og ungdómspolitikkurin leggur serligan dent á fyribyrging og átøk í tøkum tíma, sum skulu styrkjast fyri øll børn og ung.

Barna- og ungdómspolitikkurin hjá Vága kommunu er í trá við ST barnarættindasáttmálan og norðurlendsku barnaviðtøkuna, sigur kommunan.