- Tíðindi, mentan og ítróttur
Landsstýrismaðurin mælir til at geva tol í telefonmálinum
Landsstýrismaðurin mælir til at geva tol í telefonmálinum
Hóast løgmaður heldur, at vit eiga at banna fartelefonum í fólkaskúlanum, heldur Djóni Nolsøe Joensen ikki, at løgmaður undirgrevur arbeiðið hjá landsstýrismanninum
Djóni Nolsøe Joensen, landsstýrismaður í barna- og útbúgvingarmálum.
Mynd: Bjarni Árting Rubeksen
03.01.2025 - 11:01
Løgmaður vil seta forboð fyri fartelefonum í fólkaskúlanum, men Djóni Nolsøe Joensen, landsstýrismaður í Barna- og útbúgvingarmálum, mælir til at geva tol.
- Skúlastýrini eiga avgerðina, sigur hann.
Í november í fjør kom tíðindaskriv frá Barna- og útbúgvingarmálaráðnum, um at Djóni Nolsøe Joensen, landsstýrismaður, hevur tikið stig til, at nýtslan av fartelefonum í fólkaskúlum skal tálmast.
Tí bleiv heitt á øll skúlastýri um at áseta reglur, sum tálma nýtsluna av fartelefonum í skúlanum.
Men í nýggjársrøðu síni helt løgmaður, at vit eiga at fara meira viðgongt til verka.
Djóni Nolsøe Joensen heldur kortini ikki, at løgmaður undirgrevur arbeiðið hjá landsstýrismanninum.
Hoyr innslag í útvarpstíðindunum:
03012025_Djoni
Er kopiera
Nýggjastu sendingar í ÚV
Nýggjastu sendingar í SV
