Landbúnaðurin skal hava umboð í Visit Faroe Islands

Landbúnaðurin skal fáa fólk í nevndina hjá Visit Faroe Islands.

Tað er eitt uppskot í nýggja landbúnaðarpolitikkinum hjá landsstýrinum, sum er farið til hoyringar.

Nú eru sjey fólk í nevndini hjá Visit Faroe Islands. 

Tey skulu vera átta, sambært uppskotinum.

Ferðavinnan

Nú stendur í lógini, at ein nevndarlimur skal umboða Ferðavinnufelagið, sum umboðar ferðavinnuna, gistingarhús, matstovuvinnu, ferðasmiðir og onnur.

Í uppskotinum um nýggja lóg stendur bara umboð fyri ferðavinnuna.

Nú stendur eisini í lógini, at í nevndini skal vera eitt umboð fyri landsstýrisfólkið.

Tað stendur eisini í broytingaruppskotinum.

Men tað er orðað øðrvísi. Sambært uppskotinum skal landsstýrisfólkið velja eitt umboð fyri stjórnarráðið, sum hevur møtirætt og talurætt, men ikki atkvøðurætt.