- Tíðindi, mentan og ítróttur
Trump útlokar ikki at brúka hervald og fíggjarligan tvingsil
Trump útlokar ikki at brúka hervald og fíggjarligan tvingsil
Komandi amerikanski forsetin hevur eisini nevnt møguleikan at leggja serligan toll á danskar vørur
Donald Trump var bersøgin á tíðindafundinum í gjár, eftir at sonur hansara var á vitjan í Grønlandi.
Mynd: AFP/Ritzau Scanpix
08.01.2025 - 08:40
Donald Trump útilokar ikki, at hann fer at brúka hervaldið til at fáa tamarhald á Grønlandi og Panamaveitini.
Hann fer møguliga eisini at brúka fíggarligan tvingsil.
Tað segði hann á tíðindafundi í gjár, skrivar Ritzau.
Hann var spurdur, um hann kann vísa aftur, at hann fer at brúka hernaðarligan ella fíggjarligan tvingsil fyri at fáa Grønland og Panamaveitina.
Tað kundi hann ikki lova nakað um, var svarið.
Brúk fyri báðum
Hann segði, at USA hevur brúk fyri báðum fyri at tryggja sítt fíggjarliga frælsi.
Trump nevndi eisini møguleikan at leggja serligan toll á danskar vørur.
Hetta er fyrstu ferð, hann nevnir tann møguleikan.
USA er størsti útflutningsmarknaður hjá Danmark.
Steffen Kretz.
Kannn elva til kreppu
- Hetta kann vera byrjanin til størstu uttanríkispolitisku kreppu hjá Danmark í nýggjari tíð.
Tað sigur Seffen Kretz, korrespondentur í DR, sum er staddur í Nuuk, nú Donald Trump hevur sagt, at hann ikki útilokar at brúka hervaldið til at fáa tamarhald á Grønlandi:
08012025_Steffan_Kretz
Er kopiera
Nýggjastu sendingar í ÚV
Nýggjastu sendingar í SV
