Fýra kommunur fingu minni í skatti

Fýra kommunur fingu minni inn í skatti í fjør enn í 2023. 

Tað eru Eysturkommuna, Húsavíkar, Hvalbiar og Sumbiar kommunur, ið hava fingið minni í skatti. 

Talan er tó um lítla afturgongd, millum null og tvey prosent. 

Hinar 25 kommunurnar hava fingið meira inn í skatti.

Í prosentum hava Fugloyar, Hovs og Porkeris kommunur havt størsta vøkstur í inntøkunum, millum 11 og 14 prosent.

Í tølum eru tað tó tær størstu kommunurnar, Tórshavnar, Runavíkar og Klaksvíkar kommunur, ið hava havt størsta vøksturin. 

Tórshavn hevði 82 milliónir, Runavík 16 milliónir og Klaksvík 12 milliónir krónur í meirinntøkum.