Kostar 2,7 mió. at hava námsfrøðingar at arbeiða fulla tíð

Tað hevði kostað 2,7 mió. kr. um árið, skulu allir námsfrøðingar í serflokkum fólkaskúlans arbeiða fulla tíð í staðin fyri 0,85 av fullari tíð.

Talan er um 38 námsfrøðingar í føstum starvi.  

Tað sigur Djóni Nolsøe Joensen, landsstýrismaður, sum hevur svarað spurningi frá Magnusi Rasmussen, løgtingsmanni, um starvsnormeringar hjá námsfrøðingum í serflokkum í fólkaskúlanum.

Landsstýrismaðurin nevnir møguleikan at hækka brotið hjá námsfrøðingunum og hava færri námsfrøðingar í tíðaravmarkaðum starvi. 

Kannað verður, um setanarbrotið 0,85 er rímiligt, sigur landsstýrismaðurin eisini.

Sí spurningar og svar her.