Landsliðsvenjari verður helst settur í næstu viku

A-landsliðið í fótbólti hjá monnum fær helst nýggjan venjara í næstu viku.

Umsitingin í fótbóltssambandinum hevur havt fólk til samrøðu, og tilmæli er nú sent starvsnevndini við fimm nøvnum - bara menn.

Starvsnevndin eigur evstu avgerðina, og hon verður, sum skilst, tikin í næstu viku.

Um jóltíðir segði forsetin í FSF, Christian Andreasen, at 15 venjarar tá vóru á bruttolistanum, og ein føroysk venjaraloysn ikki er óhugsandi.

Manslandsliðið skal spæla HM-undankappingardyst móti Kekkia 22. mars.