- Tíðindi, mentan og ítróttur
Vøggustovugjaldið lækkar, men gjaldið er kortini størri enn í fjør
Vøggustovugjaldið lækkar, men gjaldið er kortini størri enn í fjør
Elsa Berg, borgarstjóri í Tórshavnar kommunu, lovar, at gjaldið fer ikki upp um 4.000 kr. í hesum valskeiðnum
Tórshavnar býráð hevur samtykt at lækka gjaldið fyri vøggustovupláss.
Mynd: Tórshavnar kommuna
31.01.2025 - 13:47
Tað er og verður dýrari at hava børn á stovni í Tórshavnar kommunu í 2025 enn tað var í 2024, hóast býráðið í gjár samtykti at lækka vøggustovugjaldið umleið 300 krónur.
Men lækkingin stendur ikki í mát við hækkingina, sum kommunan boðaði frá í desember.
Fyri jól var boðað frá, at dagstovnagjøldini í Tòrshavnar kommunu skuldu hækka.
Men nýggi meirilutin í býráðnum helt, at hækkingin var ov stór, og tók stig til at lækka vøggustovugjaldið.
Men hækkingin í desember ger, at lækkingin ger ikki tann stóra munin.
Elsa Berg, borgarstjóri.
Hóast gjaldið er størri enn í 2024, heldur Elsa Berg, borgarstjóri, fast við, at talan er um eina lækking.
Vøggustovugjaldið lækkar úr 4.019 krónur niður í 3.721 krónur. Og borgarstjórin lovar, at gjaldið fer ikki upp um 4.000 krónur næstu fýra árini.
Hoyr innslag í útvarpstíðindunum:
31012025_Elsa_Berg
Er kopiera
Nýggjastu sendingar í ÚV
Nýggjastu sendingar í SV
