Landsstýrismaðurin fær longda freist at viðgera fyribils niðurstøðu

Landsstýrismaðurin í fiskivinnumálum hevur fingið longda freist at gera viðmerkingar til fyribils niðurstøðuna hjá landsstýrismálanevndini.

Tað eru nú meira enn átta mánaðir síðani, at Dennis Holm varð kærdur til landsstýrismálanevndina, tí hann útlutaði 32.500 tons av svartkjaftakvotu við kunngerð.

Niðurstøðan - sum enn bara er fyribils - varð send landsstýrismanninum 22. januar. Nú freistin er longd, verður tað 19. februar, at landsstýrismaðurin skal svara nevndini.

Árni Skaale

Árni Skaale, løgtingsmaður, hevur kært.

Landsstýrismálanevndin, landsstýrismálanevnd, Hans Jacob Thomsen, Bárður á Steig Nielsen, Hanna Jensen

Frítekst tagging: 

Landstýrismálanevndin

Hans Jacob Thomsen

Bárður á Steig Nielsen

Hanna Jensen

Bjarni Árting Rubeksen

Landsstýrismálanevndin hevur gjørt fyribils niðurstøðu. 

27. mai í fjør kærdi Árni Skaale landsstýrismannin Dennis Holm fyri at fara um mark, tá hann 24. apríl sama ár broytti svartkjaftabýtið við kunngerð. 

Tingmaðurin fyri Fólkaflokkin vildi hava at vita frá landsstýrismálanevndini, um Dennis Holm hevði heimild til, við kunngerð, at útluta 32.500 tons av svartkjaftakvotuni til felagskvotu. Eisini vildi tingmaðurin hava at vita, um eitt tílíkt býti ikki eigur at gerast við lóg, heldur enn kunngerð.

Fyri jól gjørdi advokaturin Kristina Samuelsen eitt upprit til landsstýrismálanevndina, har hon eisini kom við uppskoti til niðurstøðu. Og við støði í tí sendi nevndin eina fyribils niðurstøðu til Dennis Holm, 22. januar.

Hoyr innslag í útvarpstíðindunum: