Løgreglan skal fáa betri umstøður at handfara ófriðarligar mannamúgvur

Møguleikin at geva løgregluni og teimum, sum skipa fyri stórum tiltøkum, betri umstøður at handfara stórar og ófriðarligar mannamúgvur, er umrøddur á fundi millum landsstýrið og danska løgmálaráðið.

Tað er gjørt eftir at fótbóltsófriðarkroppar úr Kroatia í fjør summar gjørdu ónáðir í Havn.

Bjarni Kárason Petersen, landsstýrismaður, sigur, at støðan kom í ávísan mun óvart á løgregluna og fyriskipararnar. 

Bjarni Kárason Petersen sigur í svari til Eirik í Jákupsstovu, løgtingsmann, at landsstýrið og Justitsministeriet hava umrøtt hendingarnar og møguleikan at útvega neyðuga løgfrøðiliga grundarlagið, so løgreglan betur fær handfarið stórar og ófriðarligar mannamúgvur.