Vox Pop um at hækka pensjónsaldurin: Tey ungu siga ja - tey eldru kortanei

Í dag var fyrsta viðgerð av uppskotinum um at hækka pensjónsaldurin til 70 ár.

Í tí sambandi hava vit verið á Glasi og á gongugøtuni í Havn og spurt, hvat fólk halda um hetta.

Meiningarnar eru ymiskar um uppskotið at hækka pensjósnaldurin til 70 ár. Á gongugøtuni eru tey samd um, at pensjónsaldurin ikki skal hækkast 

"Eg eri rasandi inn á politikararnar," sigur ein eldri kvinna. 

Ung skilja hækkingina í pensjónsaldrinum

Ung á Glasi skilja væl, at pensjónsaldurin skal hækkast, men tey halda tó, at tað burdi verið tillagað eftir, hvat slag av arbeiði man hevur.

Vit skulu eisini vera betri at fáa fólk heim aftur eftir loknan lestur.

Pensjónsaldurin skal hækkast, men núverandi løgting- og landstýrisfólk hava framvegis rætt til eftirløn, tá tey eru 60 ella 67 ár. Lógirnar um løn og eftirløn hjá ting- og landsstýrisfólki er eftir nógvar ákoyringar nú broytt, men tað verður galdandi fyri komandi løgting og landsstýri.

Fólk á Glasi og á gongugøtuni halda tó lítið um, at núverandi løgtings- og landsstýrisfólk fara at hava rætt til at fáa eftirløn, tá tey eru 60 ár.