- Tíðindi, mentan og ítróttur
Fýra frystilínuskip eru við Ísland
Fýra frystilínuskip eru við Ísland
Veðrið verður gott hesa vikuna, og tí væntar Fiskamarknaðurin nógvan útróður
Mars er eitt av frystilínuskipunum. Fýra frystilínuskip royna við Ísland, tvey eru við Eysturgrønland, og trý eru undir Føroyum.
17.03.2025 - 13:17
Fýra frystilínuskip eru við Ísland, tvey eru við Eysturgrønland, og trý eru við Føroyar.
Bæði ísfiskalínuskipini liggja.
Trý garnaskip fiska svartkalva, og eitt fiskar havtasku. Fiskaríið er brúkiligt, sigur Fiskamarknaðurin.
Allir trolbátarnar eru norðanfyri. Eisini teir hava brúkiligt fiskarí.
Allir partrolarirnir, uttan eitt par, eru úti. Fiskaríið hjá teimum er misjavnt.
Ein ísfiskatrolari fiskar svartkalva, ein fiskar upsa, og ein fiskar tosk.
Ein frystitrolari fiskar svartkalva.
(Savnsmynd)
Vænta nógvan útróður
Um útróðurin sigur Fiskamarknaðurin, at streymurin er harður, men batnar sum vikan gongur.
Veðrið verður gott, so nógvur útróður verður væntandi.
Línubátarnir fáa mest tosk og hýsu.
Snellubátarnir fáa nógv mest av toski og eitt sindur av upsa.
Er kopiera
Nýggjastu sendingar í ÚV
Nýggjastu sendingar í SV
