Trump ætlar at tosa við Putin í morgin

Amerikanski forsetin, Donald Trump, sigur, at hann fer at tosa við russiska forsetan, Vladimir Putin, í morgin.

Tað skriva Reuters og AP.

Fráboðanin kemur eftir at serligi amerikanski sendimaðurin, Steve Witkoff, fríggjadagin var í Moskva, har hann tosaði við Putin um uppskotið hjá USA um vápnahvíld í Ukraina.

Í gjár segði Witkoff, at væntandi fara forsetarnir báðir at tosa saman í telefon í hesi vikuni, og at samtalurnar fara snúgva seg um Ukraina.

- Eg vænti, at tað verður gott og jaligt kjak, segði Witkoff í samrøðu við CNN í gjár.