Forfólkini viðgjørdu føroyskan limaskap í Norðurlandaráðnum

Fullgildugur føroyskur limaskapur í Norðurlandaráðnum var á skránni, tá forfólkini í norðurlendsku tingunum høvdu talgildan fund í gjár.

Løgtingsforkvinnan, Bjørt Samuelsen, legði dent á, at Norðurlondini stuðla Føroyum.

Millum annað vilja Føroyar hava fastan sess í formansskapinum hjá Norðurlandaráðnum.

Bryndis Haraldsdóttir í Íslandi tekur undir við Føroyum.

Neyðugt er við samstarvi við baltisku londini og londini við Arktis.

Men fyrst og fremst eiga vit at hugsa um hini londini í norðurlendska samstarvinum, segði Bryndis Haraldsdóttir, sum er næstforkvinna í altinginum.

Svøríki hevur formanskapin í Norðurlandaráðnum í ár.