Tók fimm minuttir at fáa Skoraberg leysan

Tað gekk skjótt og væl hjá Brimli at fáa Skoraberg leysan.

Endi var settur á Skoraberg um eitt tíðina, og fimm minuttir seinni var skipið leyst, og tað sigldi sjálvt til Klaksvíkar at landa. 

Hoyr Elias Zachariassen, skipara á Brimli, greiða frá:

Aftan á samrøðuna ringdi Elias Zachariassen aftur og visti at siga, at nú hava kavarar verið niðri og kannað Skoraberg. Og nú er greitt, at hol er komið á ein tanga undir vatnganginum.

Tað hevur við sær, at skipið skal á sleipistøð, og tað hendir so skjótt, sum Skoraberg er liðugur at landa í kvøld. 

Tá fer skipið til Havnar, har tað verður tikið upp á sleipistøðina hjá Mest.