Grein 6-nevndin havt ein fund

Grein 6-nevndin, sum skal greiða spurningin, um stjórnarskipanarliga støða Føroya loyvir Føroyum at gerast sjálvstøðugur limur í heimshandilsfelagsskapinum WTO, hevði fyrsta fundin 28. mars.

Næsti fundurin verður 2. mai.

Tað upplýsir formaðurin í nevndini, Jens Peter Christensen, forseti í Hægstarætti.

Nevndin var sett síðst í januar.

Í grein 6-nevndini sita:

• Bjørn Kunoy, føroyskur sendimaður í Washington, fyri landsstýrið
• Sjúrður Rasmussen, serligur løgfrøðiligur ráðgevi í Løgmansskrivstovuni, fyri landsstýrið
• Vibeke Pasternak Jørgensen, stjóri í løgfrøðiligu tænastuni hjá danska Uttanríkisráðnum, fyri donsku stjórnina
• Anders Sparholt Jørgensen, deildarleiðari í Løgmálaráðnum, fyri donsku stjórnina
• Jens Peter Christensen, hægstarættarforseti
• Lars Hjortnæs, hægstarrættardómari
• Jens Kruse Mikkelsen, hægstarrættardómari

Bóðu Hægstarætt seta nevndina

Løgmaður og forsætisráðharrin heittu á Hægstarætt um at seta nevndina at greiða spurningin, um stjórnarskipanarliga støða Føroya loyvir Føroyum at gerast sjálvstøðugur limur í WTO.

Serliga nevndin er sett sambært grein 6 í heimastýrislógini. í henni stendur: 

§ 6 Ivamál um føroyska helmastýrisins ræði í mun til ríkisvaldið verða løgd fyrl nevnd, skipað av tveimum limum valdum av ríkisstjórnini, tveimum valdum av landsstýrinum og trimum ov hægstarættarpresidentinum valdum hægstarættardómarum; ein teirra verður settur sum formaður. Eru teir fýra av ríkisstjórnini og landsstýrinum valdu limirnir samdir, er málið endaliga avgjørt. Um so ikki er, verður málið avgjørt av teimum trimum hægstarættardómarunum.

Hetta er fyrstu ferð, at henda lógarheimild verður brúkt.

Føroyar hava leingi viljað fingið sjálvstøðugan limaskap í WTO, men løgfrøðingar í danska løgmálaráðnum hava sagt, at slíkur limaskapur er í stríð við grundlógina.