Elinborg Pálsdóttir fingið 110.000 krónur í gávufæi frá Statens kunstfond

Elinborg Pálsdóttir fingið 110.000 krónur í gávufæi frá Statens kunstfond
"Hetta gevur mær fíggjarligt frælsi til at hugsavna meg um tónleikin, og tað er fantastiskt," sigur Elinborg Pálsdóttir, ið hevur fingið 110.000 í gávufæi úr Statens Kunstfond
Mynd: Bjarni Árting Rubeksen  
 
30.04.2025 - 16:37

Tónlistakvinnan Elinborg Pálsdóttir er vanliga tað, ið fólk flest skíra ein glaðan persón. Hon er smílandi og hevur ein smittandi látur. 

Men sjálvt Elinborg er eyka glað fyri tíðina, og tað hevur einki at gera við, at summarið er á gáttini. 

Herfyri fekk Elinborg at vita, at hon hevði fingið 110.000 krónur í gávufæi, sum er eitt arbeiðslegat, frá Statens kunstfond


Stóran týdning

Gávufæið hevur altstóran týdning fyri seg, sigur Elinborg í stuttari samrøðu við kvf.fo. 

"Hetta gevur mær fíggjarligt frælsi at kava ordiliga niður í tónleiki, og tað er fantastiskt."

Í grundgevingin fyri at lata listafólkum gávufæ, skrivar Statens kunstfond: 

"Formålet med arbejdslegater er at fremme kunsten i Danmark ved at give højt kvalificerede og talentfulde kunstnere mulighed for at videreudvikle deres kunstneriske arbejde."


Hvussu ber til, at tú hevur valt at søkja um gávufæ úr Statens kunstfond?

»Síðsta summar bleiv eg liðug við mína masterútbúgving á Rytmiske Musikkonservatorinum í Keypmannahavn. Eg søkti tískil um at fáa hetta arbeiðslegatið, fyri at fáa fíggjarligt frælsi til at kava uppaftur djyprið niðurí tónlistina fyri at finna útav, hvat meira goymir seg har. So tað er heilt fantastiskt, at eg fekk eitt játtandi svar.«

 

Hvat skal gávufæið brúkast til?

»Peningurin skal brúkast uppá tónleik. Eg gevi eina plátu út seinni í ár, og ætlanin er longu nú at byrja at skriva tónleik til eina nýggja plátu. Vónandi kann hetta arbeiðslegatið gera, at eg kann geva uppaftur fleiri plátur út, og harvið kunna arbeiða sum skapandi tónlistafólk burturav.«

 

Hvønn týdning hevur tað at fáa eitt sovorðið gávufæ?

»Tað er ongin loyna, at tað kann verða fíggjarliga hart at velja tónleikin sum eina yrkisleið, og tí hevur eitt arbeiðslegat sum hetta so stóran týdning, tí tað gevur ró til at skapa. Tað er eisini ein stór viðurkenning, at fáa hetta tillutað, sum gevur íblástur og áræði at halda á fram við at skapa.«


Her ber til at síggja øll, ið hava fingið gávufæ úr Statens kunstfond í ár. 

Er kopiera
Nýggjastu sendingar í ÚV
Leygardag 14. juni
Morgunlestur leygardagur 14.juni 2025
192954
Fríggjadag 13. juni
Vikuskiftið 13 juni 2025
193269
Fríggjadag 13. juni
Breddin: Støðan í Gasa
193232
Nýggjastu sendingar í SV
Fríggjadag 13. juni
Veðrið
193263
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984