Kurvabóltur: Sporðdrekin vann FM hjá kvinnunum

Kvinnurnar hjá Sporðdrekanum tryggjaðu sær føroyameistaraheitið eftir 48-46 sigur á Hamar í triðju og avgerandi finaluni um vikuskiftið.

Liðini høvdu vunnið hvør sín finaludyst, og í avgerandi dystinum dróg Sporðdrekin longra stráðið og vann tepurt við tveimum stigum eftir at hava verið aftanfyri meginpartin av dystinum. 

Landskappingin hjá monnum varð avgjørd mikukvøldið. Har fór Hamar avstað við gullinum eftir tveir sigrar á rað ímóti Sporðdrekanum, sum mátti taka til takkar við 2. plássi.