Turkaland vil hýsa friðarsamráðingum

Turkaland meldar seg á banan til at hýsa samráðingar um friðaravtalu millum Ukraina og Russland.

Tað skrivar Reuters.

Forsetin í Turkalandi Tayyip Erdogan gav russiska forsetanum boðini í eini telefonsamrøðu fyrr í dag. 

Hetta kom eftir, at Vladimir Putin, forseti, náttina til í dag mældi til beinleiðis samráðingar millum londini.

Volodomyr Zelenskyj sigur seg verða kláran at hitta Putin. 

"Vit vænta, at Russland váttar vápnahvíld: fullfíggjaða, varandi og álítandi - frá og við í morgin 12. mai," skrivar hann ukrainski forsetin.