Putin er ikki á luttakaralistanum í friðartinginunum í Istanbul í dag

Russiski forsetin, Vladimir Putin, er ikki á listanum hjá Kreml við teimum, sum skulu taka lut í friðartinginunum í Istanbul í dag um kríggið í Ukraina.

Ukrainski forsetin, Volodymyr Zelensky, hevur annars heitt á Putin um at koma á fundin, nú tað annars var Vladimir Putin sjálvur, sum fyrr í vikuni skeyt upp, at Ukraina og Russland skuldu fara undir friðarsamráðingar.

Volodymyr Zelenskyj tók alt fyri eitt av, og segði seg vera tilreiðar at hitta Putin at tosa um frið.

Tað skrivar bretska kringvarpið, BBC.

Trump heldur ikki á fundin

Ístaðin fer nú hjálparmaður hansara, Vladimir Medinsky, at standa á odda fyri russisku sendinevndini, skrivar Kreml í einari fráboðan sambært BBC.

Zelensky hevur sagt, at hann vildi luttaka, og at hann vildi gera alt, hann kundi til, at teir báðir, Putin, kundu hittast.

Heldur ikki amerikanski forsetin, Donald Trump, fer at taka lut, sambært keldum hjá BBC.

Hann hevur áður boðað frá, at um Putin fór, fór hann eisini.

Eingi russisk toppfólk

Í russisku sendinevndini eru eingi toppfólk úr stjórnini.

Til dømis er uttanríkisráðharrin, Sergej Lavrov, heldur ikki á luttakaralistanum.

Samráðingarnar skulu vera í turkiska høvuðsstanum, Ankara.

Volodymyr Zelenskyj er í Ankara, har hann eftir ætlan skal hitta turkiska forsetan, Erdogan.