Vegaføringin á Sandi verður upp til Tunnilsfelagið

Tá lógin um Suðuroyartunnilin er samtykt mánadagin er tað upp til Suðuroyartunnilin, hvat verður projekterað og boðið út viðvíkjandi um tað verður ein vegur á Traðarhamri ella um ferðslan skal ganga gjøgnum bygdina. 

Løgmaður hevur annars fyrr sagt, at vegaføringin skuldi vera uppá pláss samstundis sum linjuføringin var samtykt - men soleiðis verður tað ikki kortini.

Løgtingið vil at tað skal vera opið hvar vegaføringin verður, og tað merkir í veruleikanum, at Tunnilsfelagið kann velja ta vegaføring á Sandi sum tað vil.

Løgmaður fekk í gjár handað eitt notat frá einum skjóttarbeiðandi arbeiðsbólki um hvørt tað ber til og er skynsamt at bora frá Skúvoynni. Tað ber til og er skynsamt, sigur arbeiðsbólkurin.

Løgmaður vil ikki siga enn um niðurstøðan hjá arbeiðsbólkinum broytir nakað, men eitt ávíst samskifti er í gongd, og tey vilja hava eina breiða semju, sigur Aksel V Johannesen