Elin Ludvig nýggjur stjóri í Dugna

Dugni hevur fingið nýggjan stjóra.

Elin Ludvig er sett í starvið.

Hon tekur við starvinum 1. august.

Elin Ludvig hevur verið deildarleiðari hjá Almannaverkinum á deildini arbeiðsbúgving í 10 ár.

Hon hevur eisini royndir sum sosialráðgevi í barnaverndartænastu og á asyløkinum í Danmark. 

Umframt útbúgving sum kandidatur í sosialum arbeiði, hevur Elin Ludvig útbúgving í diplomi í leiðslu.

Hedvig Johansdóttir Høgnesen var stjóri í Dugna í 10 ár, men gavst, tá hon bleiv aðalskrivari í Barnabata.

Áhugin fyri stjórastarvinum var stórur. 28 umsøkjarar vóru.

Dugni er endurbúgvingarstovnur, sum millum annað skal royna arbeiðsevnini hjá fólki, sum eru vinnutarnaði og skipa fyri arbeiðsvenjing.