Norrøna fer til Oslo

Norrøna fer til Oslo í januar næsta ár, tá EM-endaspælið í manshandbólti verður har, og Føroyar eru við.

Norrøna fer av Havnini fyrrapartin 14. januar.

Fráferðin úr Oslo verður 22. januar beint fyri midnátt.

Norrøna fer at liggja við bryggju á Vippetangen, sum er í miðbýnum í Oslo. 

Fólk kunnu gista umborð, meðan Norrøna liggur í Oslo.

Til ber eisini at keypa atgongumerki til allar tríggjar dystirnar hjá Føroyum, antin saman við ferðaseðlinum ella aftrat ferðaseðlinum. 

Ikki ber til at hava bil við.

Sølan byrjar á heimasíðuni hjá Smyril Line í dag klokkan tíggju.