- Tíðindi, mentan og ítróttur
Skottilburður í Eysturríki kravt tíggju mannalív
Skottilburður í Eysturríki kravt tíggju mannalív
Ein maður fór at skjóta fra hond á einum skúla í Graz. Hann doyði fyri egnari hond
Skúlin í Graz, har skottilburðurin var fyrrapartin. Í minsta lagi 10 fólk eru deyð, teirra millum fleiri skúlanæmingar.
Mynd: AFP/Ritzau Scanpix
10.06.2025 - 14:02
Í minsta lagi tíggju fólk, teirra millum gerningsmaðurin, eru deyð av skotum á einum skúla í eysturríkska býnum Graz fyrrapartin.
Tað skrivar eysturríkska tíðindastovan APA, sum hevur borgarstjóran, Elke Kahr, sum keldu.
Løgreglan hevur váttað, at tíggju fólk eru deyð.
Løgreglan hevur eisini sagt, at fleiri fólk eru særd.
The Guardian skrivar, at í minsta lagi 12 fólk eru løgd inn á sjúkrahús, og tað stendur um lív hjá tveimum teirra.
Elke Kahr, borgarstjóri í Graz, tosar við ein løgreglumann. (Mynd: AFP/Ritzau Scanpix)
Deyður fyri egnari hond
.Sambært løgregluni er maðurin, sum verðuir hildin at hava skotið, deyður fyri egnari hond.
Tað var um tíggju tíðina fyrrapartin, at boðað var frá skotum við skúlan, og løgreglan var boðsend.
Hálvanannan tíma seinna vóru næmingar og lærarar fingin úr skúlanum, men millum tey deyðu eru fleiri næmingar.
Umleið 300.000 fólk búgva í Graz.
Í minsta lagi 12 fólk eru løgd inn á sjúkrahús, skrivar The Guardian. (Mynd: AFP/Ritzau Scanpix)
Er kopiera
Nýggjastu sendingar í ÚV
Nýggjastu sendingar í SV
