Nú vera fleiri nýggir bilar seldir

Nú er gongd komin aftur á bilasøluna í Føroyum.

Í mai vóru skrásett 221 nýggj akfør í Føroyum, 66 fleiri enn í mai í fjør.

Og higartil í ár, tað er til 1. juni, eru akførini 67 fleiri enn í fjør. Vøksturin er 8,35 prosent.

Persónbilarnir eiga nógv tann størsta lutin í vøkstrinum.

Brúktu innfluttu akførini eru færri.

Tó vóru tey 13 fleiri í mai.

Men higartil í ár eru tey 67 færri, ein triðing færri enn í fjør.