Nýtt heildagstilboð verður sett í verk í Skúlanum á Trøðni

Nýggj ætlan um at seta í verk heildagstilboð í Skúlanum á Trøðni, er ein samstarvsavtala millum Barna- og útbúgvingarmálaráðið, Almanna- og mentamálaráðið og Kommunufelagið.

Heildagstilboðið skal bøta um gerandisdagin hjá næmingunum við størst tørvi, foreldrum og starvsfólki, við at savna øll frítíðartilboð í Skúlanum á Trøðni.

Skipanum sum er galdandi nú, ber við sær, at næmingar í 1. og 2. flokki hoyra til frítíðartilboð hjá kommununi, og tey frá 3. flokki og uppeftir hoyra til frítíðartilboð hjá Almannaverkinum. Tey tilboðini eru staðsett uttanfyri skúlan.

Útreiðslurnar við nýggju skipanini verða ikki hægri enn við varandi skipan.

Tilboðið verður sett í verk við skúlabyrjan 2025, við eini royndartíð uppá fimm ár.

Hoyr samrøðu við Jan Christiansen, skúlastjóri í Skúlanum á Trøðni: