Málið um Suðuroyartunnilin fellur burtur í hesi tingsetuni

Uppskotið um Suðuroyartunnilin varð sent aftur í fíggjarnevndina áðrenn løgtingið fór í summarfrí, men fíggjarnevndin verður helst ikki kallað inn áðrenn Ólavsøku. 

Tað er upp til løgmann at leggja fram eitt ítøkiligt uppskot um, hvussu farið verður víðari, sigur Eyðgunn Samuelsen, forkvinna í fíggjarnevndini.

Løgmaður sigur í suttari viðmerking við Kringvarpi, at fundur hevur verið við politiska fylgibólkin og floksforfólk um, hvussu arbeiðast skal víðari við málinum. Flokkarnir eru samdir um at lýsa onkrar tættir nærri, áðrenn málið verður lagt fyri tingið av nýggjum. 

Tað tykist greitt, at eingin tingfundur verður afturat í hesari tingsetuni. Sostatt fellir Suðuroyartunnilin burtur í hesi tingsetuni. 

Hoyr samrøðuna við Eyðgunn Samuelsen, forkvinnu í fíggjarnevndini, í útvarpstíðindunum: