Farnet er í Húsareynstunlinum

KIMA-skipanin hjá løgregluni er fult virkin í nýggja Húsareynstunlinum.

Tað slær Símun Skaalum, stjóri í FT Samskifti, nú nýggi tunnilin í høvuðsstaðnum er tikin í nýtslu, tí hesin tunnilin hevur somu samskiftisútgerð sum allir aðrir tunlar í Føroyum hava.

- Føroya Tele var liðugt at seta netið upp fríggjakvøldið, og tað var testað í gjár, so tá tunnilin lat upp í dag var netið klárt, segði Símun Skaalum, tá vit tosaðu við hann fyrr í dag.

Hann segði tó, at tað kundu vera klumpar í, tá øll fóru ígjøgnum tunnilin beint eftir at hann lat upp, men tá nýtslan kemur niður á eitt vanligt støði, tá verður eingin trupulleiki í so máta.

Undan vikuskiftinum ljóðaði, at tað var ósemja millum kommununa og Føroya Tele, men um tað var, so vil stjórin í FT Samskifti ikki gera viðmerkingar til hana.

Trýst á leinki niðanfyri og hoyr alt innslagið, sum var í tíðindunum á nátturða í kvøld.