Bústaðarbyrðan er tvífaldað upp á 10 ár

Tað er blivið alsamt meira kostnaðarmikið at búgva í Føroyum, hóast rentan sum heild er lækkað nakað síðani 2024. Tað sigur Súni Selfoss, formaður í Starvsfelagnum.

Hann vísir á, at sambært Betri banka, er bústaðarbyrðan seinastu 10 árini hækkað úr umleið 15% upp í 30%. Í Havn er hon farin úr 25% upp í 44%. Tað vil siga, at eitt vanligt par í høvuðsstaðnum brúkar næstan helmingin av inntøkuni eftir skatt til bústaðarlán. 

Brúkaraprístalið, sum vísir prísgongdina á vørum og tænastum, sum eru partur av nýtsluni hjá húsarhaldunum í Føroyum, er hækkað 20% seinastu 5 árini sambært Hagstovu Føroya. Brúkaraprístalið er yvirskipað sett saman av 12 vøru- og tænastubólkum. 
Harímillum eru matur og drekka, klædnavørur, býli, húsbúnaður, frítíð og mentan og ymsar vørur og tænastur. Sambært Súna Selfoss er tað serliga á bústaðarøkinum, at prísirnir eru hækkaðir nógv.

Hoyr samrøðuna við Súna Selfoss, formann í Statvsfelagnum, niðriundir: