Narkobarónur útflýggjaður USA

Ekvador hevur útflýggjað Adolfo Macías Villamar, eisini nevndur Fito, til USA.

Hann stóð á odda fyri einum stórum brotsmannaliði, sum skipaði fyri, at nógv rúsevni endaðu á amerikanska marknaðinum.

Fito var handtikin í juni mánaði, eitt ár eftir at hann flýddi úr fongslinum. Fito var dømdur 34 ára fongsulsrevsing.

Fito kemur fyri ein amerikanskan dómstól í dag, og hann fer at nokta seg sekan í altjóða ákærum um rúsevnishandil og handil við vápnum.

Fito stóð á odda fyri Los Choneros brotsmannaliðnum, sum eisini hevði samband við brotsmannalið í Meksiko og á Balkan. Hann skal eisini hava skipað fyri morðinum á forsetavalevnið, Fernando Villavicencio, í 2023.