Grønlendski landskassin eisini stórt hall

Eisini í Grønlandi finst búskaparráðið at búskaparpolitikkinum.

Grønlendski landskassin hevði 250 mió. kr. í halli í fjør.

Og í ár verður hallið væntandi 347 mió. kr.

Brúka ov nógv

Formaðurin í grønlendska búskaparráðnum, sum eitur det økonomiske råd, Torben M. Andersen, finst at politikarum fyri at brúka so nógvar pengar sum gjørligt, skrivar KNR.

Eisini Tjóðbankin hevur funnist at politikarum fyri at brúka alt ov nógvar pengar.

Og tað hava búskaparráðið og Tjóðbankin gjørt nú í meira enn tíggju ár.

Meginreglan er, siga tey, at í góðum tíðum eiga pengar at vera lagdir til viks at brúka, tá tíðirnar versna. Men tað er ikki gjørt í Grønlandi.

Trupulleikarnir komnir

Trupulleikarnir fara ikki at koma, sigur Torben M. Andersen.

Teir eru her longu nú, sigur hann.

Og tað tekur nógv ár at fáa búskapin á rætta kós, sigur hann eisini.