Fyrireikingar til Pride skrúðgonguna, ið fyllir 20 ár

Í allan dag hava fyriskiparar og sjálvboðin verið í holt við fyrireikingarnar til Pride skrúðgonguna og tiltakið aftaná, og vit vóru á Vaglinum og prátaðu við tey.

Tað eru 20 ár síðani Føroya fyrstu Pride skrúðgongu, og hóast nógv er hent, er almenna orðaskiftið um LGBT+ persónar hart, og ein keðilig gongd hevur verið seinastu árini, sigur Ester Margreth Petersen, samskipari hjá LGBT+ Føroyar:

- Sjálvt um nógv er hent til tað betra, er langt eftir á mál. Vit síggja nógvar niðrandi viðmerkingar til dømis á sosialum miðlum, og vit hava faktiskt sæð eina broyting til tað verra.

Ester Margreth Petersen, samskipari, LGBT+

Ester Margreth Petersen, samskipari, LGBT+ Føroyar - mynd: Tordis Vang Guttesen

Tey sjálvbodnu stákast við at rigga pallin til, og hanga pynt upp, ein teirra er Christina Valle:

- Eg havi verið sjálvboðin í tvey ár. Eg gleði meg serliga til gonguna.

Pride pallurin verður pyntaður

Nakað av pyntinum á pallinum - mynd: Tordis Vang Guttesen

Hoyr samrøðu við Ester Margreth Petersen og Christinu Valle: