Breyt fótin í Hvannhaga

Eitt týskt par gekk í Hvannhaga í Suðuroy í gjár, og har var maðurin so áhaldsin, at hann datt og breyt fótin. Tey kláraðu tó at ganga til nærmasta veg, har sjúkrabilur tók ímóti teimum og koyrdi tey til sjúkrahúsið á Tvøroyri, har maðurin fekk ta hjálp, hann skuldi hava.

Vakthavandi á politistøðini sigur, at tað hevur sum heild verið friðarligt á Summarfestivalinum, men politiið hevur eitt mál, har fólk skulu avhoyrast, fyri at finna útav hvat er hent.

Talan er um eitt mál, har ein illstøða tók seg upp, og í tí sambandinum fer politiið at avhoyra fólk einaferð í dag, so staðfestast kann, hvat er hent og um nakar er sligin ella ikki.

Nøkur fólk vóru ov full, men her gjørdu samarittarnir eitt gott arbeiði, sigur vakthavandi hjá politiinum í morgun.

Tó er eitt mál um eitt fólk undir 15 ár, sum var ov drukkið, og tá skrivar politiið eina rapport um hetta, sum verður send víðari til sosialu myndugleikarnar.