Søguligur fótbóltsdystur spældur í Stóru Dímun

Um vikuskiftið var ein søguligur dagur í søgu Stóru Dímuns.

Á einum góðum teigi niðanfyri tyrlupallin blivu mál sett upp soleiðis, at fyrsti fótbóltsdystur nakrantíð kundi spælast í oynni. 

Tað vóru føroyameistaraliðini hjá TB frá 1987 og B71 frá 1989, ið møttust. 

Stóra Dímun, Fyrsti fótbóltsdysturin, B71, TB

Á liðunum vóru fleiri av størstu legendunum hjá feløgunum báðum, eitt nú Henrik Thomsen, Óli Johannesen og Eyðun Gullok Svalbard hjá TB.

Og Eli Hentze, Páll á Reynatúgvu, Róin Clementsen og sjálvandi Dímunarbóndin sjálvur, Jógvan Jón Petersen, frá B71. 

Stóra Dímun, Fyrsti fótbóltsdysturin, B71, TB

Tað serliga við meistaraliðunum hjá bæði B71 og TB frá ávikavist 1987 og 1989 var, at bæði liðini flutt niður í næstbestu deildina árið eftir, at føroyameistaraheitið var komið í hús. 

Karl Vidtfeldt, stigtakari, ásannaði, at tað var ein dreymur, ið gjørdist veruleiki, nú dysturin bleiv spældur um vikuskiftið. 

Stóra Dímun, Fyrsti fótbóltsdysturin, B71, TB

Hoyr innslag um søguliga fótbóltsdystin frá Summarmorgni her niðanfyri: 

Í innslagnum verður tosað við Karl Vidtfeldt, stigtakara, Jógvan Jón Petersen, bónda í Dímun, ið sjálvur spældi við meistaraliðnum hjá B71 í 1989, Tórður Holm, sum hevur samskipað fyri TB-ararnar, og Birgir Dimon, TB-ara.

Fyrsta mál og sjálvmál

Seks mans vóru inni á hvørjum liði í senn, og spælt varð tvær ferðir 15 minuttir.

TB kom á odda í fyrra hálvleiki, og tað var gamli liðskiparin Magni Petersen sum skeyt søguliga málið. B71 javnaði í seinna hálvleiki, tá TB gjørdi sjálvmál. 

Dysturin var steypadystur, og tí skuldi hann avgerarst.

Farið varð beinleiðis til brotssparkskapping.

Søguligur dystur í Dímun

Tá eydnaðist tað B71 at fáa eitt mál meira enn TB, og tí vunnu sandoyingar fyrsta skrásetta fótbóltsdystin í Stóru Dímun.

Sí eisini video-innslag um dystin her niðanfyri: 

- Vit hava verið sera spent til henda dystin og hava lagt doyðin á, at alt skuldi ganga væl, sigur ein væl nøgdur Jógvan Jón Petersen í Dímun, sum sjálvur var málmaður hjá B71.

Tað var bóndakonan á Dímunargarðinum, Eva í Dímun, ið handaði steypið. 

Stóra Dímun, Fyrsti fótbóltsdysturin, B71, TB